joonhi basti main kaheen se bhi muje dar aya

جونہی بستی میں کہیں سے بھی مجھے ڈر آیا

رات بھر خوف کی چوکھٹ پہ بسر کر آیا

ایک احساس کہ لوٹ آیا ہوں غم خانے میں

اور پھر اس پہ یہ لگتا ہے کہ میں گھر آیا

جس قدر ہجر سے بچتا ہوں میں جینے کے لیے

یہ ہمیشہ اسی شدت سے مجھے در آیا

میں کئی بار محبت میں تری جی اٹھا

میں کئی بار جدائی میں تری مَر آیا

میری قربانی بھی دیکھو کہ دکھوں کے بدلے

اپنی خوشیاں تری دہلیز پہ ہوں، دھر آیا

جانے کیونکر مجھے مصلوب کیا جاتا ہے

جانے کیوں نیزے پہ ہر بار مرا سر آیا

فرحت عباس شاہ